廣州的別稱有哪些?

導語：雖然廣州市僅有96歲，而廣州建城至今足足有2000幾年歷史，咁幾千年嚟，“廣州”究竟有過咩名?最初喺先秦時期，南越、駱越、甌越等土著族羣生活喺嶺南境內，合稱“百越”。此時嘅廣州尚未建城，成個廣州地區被稱爲“南越”、“百粵”。

廣州最早嘅名：楚庭

“楚庭”，傳說中系廣州最早嘅名。“楚庭”一名，令人覺得嶺南地區曾經被楚國統治，所以有呢個名。但經過考證，嶺南地區並唔喺楚國疆域之中，而楚人並未直接統治過嶺南。

故“楚庭”嘅由來，一種理解系百越子民臣服於楚嘅象徵，另一種系楚國人與百越族來往甚密，楚國設置楚庭以紀念兩地之間嘅友誼。

廣州最出名嘅名：羊城

“羊城”可以話系廣州最具代表性嘅別名，「羊城」、「五羊城」、「穗城」均來源於五羊傳說，傳說故事已經廣爲大衆所知，就唔再累述。

廣州最出人意料嘅名：番禺城

雖然如今嘅番禺只系廣州一個行政區，但系相當長一段時間，“番禺”曾經系廣州嘅市名。“番禺”二字，戰國時期已經存在，佢嘅緣由衆說紛紜，其中爲大部分人接受認同嘅系，番禺源自於番山、禺山兩座山。

廣州以人命名：任囂城、步騭城

廣州曾經以歷史人物命名，有啲並非系正式嘅名稱，更多系流傳於民衆之口。任囂城、趙佗城分別取自於秦始皇麾下嘅兩位將領之名。

秦始皇派出嘅平定嶺南嘅軍隊，以任囂爲主帥，趙佗爲副帥，任囂征戰有功，被委任爲南海郡尉，紮根嶺南，興土修築番禺城，被稱爲“任囂城”。

漢武帝滅南越之後，廣州就如同被打入冷宮，一Down就Down幾百年，直到有位貴人出現，阿個人就係步騭。步騭被孫權委派任職交州刺史(交州爲今日兩廣大部分地區)，任職期間發現番禺縣地大物博，人傑地靈，但系被人閒置。

步騭馬上上書孫權，重修番禺城，振興呢個南越古城，廣州得以重生，民間爲感謝步騭，會將廣州稱爲“步騭城”。

廣州最輝煌嘅名：越王城、南越城

上邊講到，趙佗出任南海郡嘅“地方行政長官”，但系趙佗唔甘心剩系做個地方小官，佢決定玩鋪大嘅，結果就開咗一個國家——南越國。秦亡之際，趙佗攻並桂林、象郡，建立南越國，自稱“南越武王”，我哋嘅廣州從一個城市，一躍爲南越國國都，民間得名“越王城”“南越城”，但系正規史料上並冇呢兩個名。

南越國存在93年，歷經五代君主，一直到公元前111年漢武帝滅南越，之後廣州就一直蟄伏，直到步騭出現。百年南越國，系嶺南文明最重要嘅奠基期，亦都系廣州作爲一國之都嘅輝煌時期。

廣州最終得名：廣州

三國吳黃武五年，孫權下令將原來嘅交州分拆爲交、廣二州，廣州州治設於番禺縣，“廣州”之名由此而起。此時嘅廣州，疆土面積要比依家要大好多，而番禺縣都唔系今日嘅“番禺”。